Keerlke
Düt Book is een vun de besten un wichtigsten Titel in de plattdüütsche Literatur, schreven in oostfreesche Platt.
Wilhelmine Siefkes (1890-1984), boren un storven in Leer, weer al in dat Johr 1928 för de Sotschaaldemokraten in den Stadtraat vun Leer, kümmer sik um arme Kinner un junge Lüüd. In de NS-Tiet hett man ehr ut den Schooldeenst entlaten. Liekers kunn se düt Book ünner Pseudonym schrieven, se kreeg 1940 den Johann-Hinrich-Fehrs-Pries dorför.
Ehr Romanfigur in „Keerlke“ is authentisch un wiest de Armoot in dat Arbeidermilieu to de Tiet, as vele Minschen keen Arbeit harrn. Jüst de Kinner harrn wenig Freud un müssen Hunger lieden, so ok de lütt Hinni Stalboom. Sien Vadder weer Alkoholiker un tribbeleer de hele Familie. So keem de lütt Jung an’t Enn in de Familie vun sien Unkel ünner. Dat düch em as dat Paradies.
En „Keerlke“ steiht vundaag in Leer bi’t Raathuus – un wegen Wilhelmine Siefkes höört Leer to de „Frauenorte“ in neddersassen.
Siefkes, Wilhelmine: Keerlke. En Gang dör en Kinnerland. 3. Aufl.
Leer: Schuster 1973. 255 S.
Düt Book is in’n Hannel nich mehr to kriegen, man över’t Nett kann een dor licht rankamen.