Ut mine Stromtid
De Mekelnbörger Fritz Reuter höört mit Klaus Groth un Johann Hinrich Fehrs to de Klassikers vun de plattdüütsche Literatur.
„Weitst woll noch mit’s Rechen ... In der Fixigkeit war ich Dir über, aber in der Richtigkeit warst Du mir über, auch in der Orthographie; aber in dem Stiel, in Briefschreiben un’s Hochdeutsche, da war ich Dir wieder über“ so snackt Inspektor Bräsig, de Figur ut de Fedder vun Fritz Reuter (1810-1874), de wi op’t Best kennen doot. He snackt Missingsch, denn Hoochdüütsch kann he nich so recht. Man sünst is de Roman op Platt schreven.
In de „Stromtid“ ut dat Johr 1864 vertellt Reuter vun de Tiet 1848 op en Gootshoff. De Börgerslüüd verlangt Demokratie, man de ole Adel is ok noch dor. Reuter beschrifft de olen Tieden, de Humor is för em ok ümmer en heel wichtiges Stilmiddel. An düsse Traditschoon knütt de Schrieverslüüd ut Mekelnbörg geern an.
Rostock: Hinstorff. 768 S. 16,90 €
zurück zur Übersicht