As’n Droom. Vertell doch mal!
De Anthologien vun „Vertell doch mal“ wiest uns jeedeen Johr, wat dat ok vundaag noch en Barg Ideen för plattdüütsche Geschichten geven deit.
Plattdüütsch leevt – kiek mal rin in’t Book! So heet dat achtern op den Bookdeckel vun düsse Anthologie. Un dat schullen de Lesers denn ok geern maken. En bunte Sammeln vun niege Geschichten op Platt – de gifft dat eenmal in’t Johr, ümmer denn wenn NDR un Radio Bremen den Geschichten-Wettstriet utropen hebbt. 2019 weer dat letzte Mal en grote Gala in’t Ohnsorg Theater in Hamborg. Ohnsorg-Schauspelers leest denn de besten Geschichten vör.
Wat denn för all de Schrieverslüüd „As’n Droom“ weer, dat is so verscheden as man wat. Bekannte Naams as Heiko Gauert, Karl-Heinz Groth, Heinke Hannig un Karl-Peter Kööp sünd dorbi.
As’n Droom. Vertell doch mal! 26 plattdeutsche Geschichten.
Husum. Husum Druck- und Verlagsges. 2019. 139 S.