Till Ulenspegel
Wokeen kennt em nich, den gröttsten Spijökendriever vun all Tieden – Till Ulenspegel, de in Mölln tohuus weer un över den man vele Geschichten opschreven hett.
„Dat is trorig, aver wohr. De Stackel vun Jung is dreemal döfft worrn. Mag ween, un he is jüst dorüm so’n Püjatz worrn. Mööglich is allens. Na ja.“ So geiht de Geschicht los mit Ulenspegel sien Dööp.
Erich Kästner (1899-1974) hett in twölf Geschichten dat Leven vun Till navertellt. Man he hett dat nich mehr beleevt, dat Hartmut Cyriacks un Peter Nissen düsse Faxenmaker-Stücken in’t Plattdüütsche överdragen hebbt. Dat harr em seker gefullen. Un kloor is: de plattdüütsche Spraak passt allerbest för düsse Oort vun Texten.
Illustreert hett düt Book över den vergnöögten Spaaßmaker, jüst as do dat hoochdüütsche, de Künstler Walter Trier.
Kästner, Erich: Till Ulenspegel.
Plattdeutsch von Hartmut Cyriacks und Peter Nissen.
Kiel: Michael Jung 2010.78 S. 7,80 €
Düt Book is nich mehr in’n Bookhannel to kriegen, man seker noch över dat Nett.