Holschen snittjert vön Krüschan Holschen
In düt Book versammelt sik wunnerbore Texten as „Dat Andenken“, „Brrt un Hü“, man ok een vun de schönsten Wiehnachtsgeschichten „De Wiehnachtsmann“.
„Nu mutt ik jo woll eerstmal mienen Stammboom vörwiesen, dat Holt, wo wi Holschens ut snittjert sünd: Wi Holschens heet Holschens, vunwegen dat uns Vörfohren Holschenmakers ween sünd. … Wat meent ji woll, wer is de eerste Holschenmaker ween, wat? – De leve Gott sülven!“
So vertellt Christian Holsten (1922-1993), de sien Naam meist ümmer plattdüütsch schreven hett: Krüschan Holschen, in de eerste Geschicht in düt lütt Book. De nedderdüütsche Dichter ut Bremen schreev Lyrik un Prosa, man ok Theaterstücken, so as „Koornblomen för den Smuuskater“. Bekannt weer he as Vördragskünstler vun sien egen Wark vull Achtersinn un Humor, mitünner ok mit groteske Texten. Un he weer bi Radio Bremen un bi den NDR-Hörfunk mit sien markante Stimm veel to hören.
Bremen: Klammer & Bergfried 1957. 94 S. „Kiek in de Welt”-Book Nr. 1
Dat Book is nich mehr op den Markt, man licht över’t Nett to kriegen.