Eenfach Glück
In düt Book vertellt Irmgard Harder in lütte Geschichten vun dat Glück, dat een ümmer mal bemöten deit. Wi leest vun kloke Insichten un Wohrheiten un köönt smuustern un nadenken.
Se weer en Institutschoon – de plattdüütsche Schrieversfru Irmgard Harder (1922-2012). As Theaterfru füng se in Hamborg an, ok in’t Ohnsorg-Theater – later güng se na den NDR. In’t Funkhuus in Kiel harr se över vele Johren dat Leid vun de Heimatredakschoon. Dorto hööt ok de bekannte Reeg: „Höör mal en beten to“, för de se vun 1956 bet 1997 schrieven un ok insnacken dee. En Barg Priesen hett se kregen, so den Kappelner Literaturpries un ok de Lornsenkeed vun den Sleswig-Holsteenschen Heimatbund.
Vele Schrieverslüüd hebbt bi de SHHB-Warksteden dat Textenschrieven vun ehr lehrt. Mit 90 Johr is Irmgard Harder storven – wi denkt düt Johr an ehr, denn wöör se 100 warrn!
Harder, Irmgard: Eenfach Glück.
Hamburg: Quickborn 1999. 130 S.
Düt Book is vergrepen, man in’t Nett to finnen.