De Deerten wüllt Pannkoken freten
Pannkoken mag doch meist jeedeen Kind allto geern. De Deerten aver ok, so kriegt wi dat in düt feine Billerbook to weten.
All warrt se inlaadt un kriegt en Opgaav todeelt: dat Peerd maakt Füer in’n Heerd, de Fisch deckt gau den Disch … – man wo blifft de Muus? De hett woll de Inladen versuust …
Smucke grote Biller hett Birgit Lemmermann to den knappen Riemeltext vun Jan Graf maalt – so passt düt Billerbook allerbest as Familienbook för de ganz Lütten, man ok in Kinnergoorns mit Platt is dat ümmer dorbi. Un de Lütten finnt dat gor nich so slimm, wat de lütt Muus passeert. Se maakt sik mehr Gedanken, wonas en Fisch den Disch decken kann. De hett doch gor keen Arms …
Graf, Jan; Lemmermann, Birgit: De Deerten wüllt Pannkoken freten.
Bremen: SchintzDruck 2011.
To kriegen över Birgit Lemmermann över de Siet www.emil-online.de