En Sommerdroom
De holsteensche Schrieversmann un Schoolmeister Johann Hinrich Fehrs (1838-1916) höört mit to een vun de wichtigsten plattdüütschen Schrieverslüüd vun de niege nedderdüütsche Literatur.
Bet vundaag hen gellt he as de Novellenschriever, liekers he bekannt woor mit den Roman „Maren“. En Utsnitt ut düssen Roman is in dat Book „En Sommerdroom“ to finnen, man ok en Reeg vun sien schönsten Gedichten, Fabeln un Geschichten.
Lang hett dat nix mehr geven op den Bookmarkt vun Fehrs, de grote Warkutgaav ut de 80er/90er Johren is lang vergrepen. De Fehrs-Gill hett sik dorüm kümmert, dat en lütt Utwahl mit sien Texten tostannen kamen is, ok över em un sien Wark kriegt de Lesers wat to weten – so köönt se Intresse finnen an en deepsinnig un besünner Wark. Un so köönt se mit düt Leesbook indükern in en anner Welt un in en anner Tiet.
Hamburg: Quickborn 2021. 128 S. 12,80 € (Literatur der Fehrs-Gilde)
zurück zur Übersicht