Mank Muern
„Grootstadtkinner“ – so heet een vun de Gedichten in düt Lyrik-Book vun Hermann Claudius. Dat weer in dat Johr 1912 al wat heel Besünners: Gedichten, de nich blots de Natur un dat Land as Thema hebbt, man ok dat Leven in de Muern vun en Stadt.
Hermann Claudius (1878-1980) is boren un opwussen in Langenfelde bi Hamborg. Her weer Volksschoollehrer, müss denn aver na en Unfall 1934 fröher in Pangschoon. Af denn weer he Schrieversmann.
Düt Book versammelt Lyrik ut dat eerste „Mank Muern“-Book vun 1912, denn geev dat Utgaven 1934 un 1953. „De grote Michel“ is dorbi, „De Fabrikschosteen“, man ok en Reeg vun Kinnergedichten so as dat bekannte „Rode Grütt“, wat meist jeedeen kennen deit. Un „Backen bleven“ dörv nich fehlen. Dat Rinkieken in düssen plattdüütschen Lyrik-Klassiker lohnt sik ok vundaag ümmer noch.
Claudius, Hermann: Mank Muern.
Hamburg: Verl. der Fehrs-Gilde 1971. 120 S.
Düt Book is in’n Hannel nich mehr to kriegen, man över’t Nett is dat to finnen, man ok in meist jeedeen Bökerspenn.