Bullerdiek, Bolko
Allerhand Slag Lüüd
Bolko Bullerdiek (geb. 1939 in Tansania), de Kappelner Literaturpriesdreger vun 2018, hett nu, as he seggt, sien letzt Book rutbröcht.
Geschichten över Minschen, över Lüüd – so seggt de Plattdüütsche. All sünd se dorbi: de Doktersche, de Bökerhöker, de Klockenschooster – man ok de Bedenkendräger, de Anpacker, de Mudder Griepsch. En Kaleidoskop vun besünner un vun snaaksche Lüüd, wi köönt indükern un nadenken, uns freuen un spikeleren.
Den Titel kennt een doch? Ja, dat stimmt: Johann Hinrich Fehrs hett jüst so en Titel för een vun sien Böker utsöcht. Un de jünger Kolleeg süht dat as Hommage an den Holsteener Novellenschriever.
Bullerdiek, Bolko: Allerhand Slag Lüüd. Mit Biller vun Meinhard Raschke.
Hamburg: Quickborn 2022. 159 S. 12,80 €