Bull, Reimer

Lange Nachten ünner de Sünn

Reimer Bull vertellt in düt Book vun den olen Lauritz Thomsen. De fohrt na de Lofoten un will dor de Knütten vun sien Leven opdröseln.

Wat weer un wat blifft, wat hett he verloren un wat schall noch kamen? Un wat warrt mit em, denn he markt nu in't Öller ümmer mehr: de Welt is in anner Hannen gahn. Wodennig schall he dor mit ümgahn?

Mit düt Book hett uns de Schrieversmann ut Marne en Stück plattdüütsche Literatur schenkt, wat uns mitnehmen un tofaten kriegen deit. Reimer Bull leev vele Johren in Langwedel un storv 2012 mit 79 Johren. Bet hen na den Rohstand weer he Perfesser för Düütsch un Nedderdüütsch an de CAU in Kiel. För sien Verdeensten um de plattdüütsche Spraak hett he en Reeg vun Priesen kregen, ok den Kappelner Literaturpries un de Lornsenkeed vun den Sleswig-Holsteenschen Heimatbund. Vele Johren lang weer he Vörsitter vun de Klaus-Groth-Sellschop. Dat Book "Lange Nachten ünner de Sünn" is dat letzte Book vun em, mag ween, ok dat wichtigste. Man ok de annern Böker vun em sünd afsluut dat Lesen weert.

Quickborn-Verlag 2013, 94 S., 10,80 €

zurück zur Übersicht

Ansprechpartnerin:

Britta Poggensee
Tel 0431 98 384-15
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein.