Wiehnachten so oder so
Ok wenn dat Wiehnachten warrn schall, denn höört de plattdüütsche Schriever Reimer Bull mit sien besünneren Geschichten unbedingt dorto.
Wat dat nu de „Blaulila Schaddens“, de olen Hunnertmarkschiens, sünd – oder „Wenn Unkel 100 is“ oder „Dat ool Huus“, överall stickt dat Leven binnen, besünners dat, wat sik rundüm dat schöönste Fest in’t Johr so todregen deit. Man ok „So fiert wie Wiehnachten“ hett soveel Plie un Witz un hannelt doch vun Demenz – keeneen kann dat beter mit en Geschicht verkloren as Reimer Bull.
Düt Johr is een vun de wichtigsten Schrieverslüüd in uns Land al teihn Johr doot, man he leevt wieder in all sien Geschichten. Un jüst to Wiehnachten schullen wi man mal wedder welk lesen oder uns jüm vörlesen laten.
Bull, Reimer: Wiehnachten so oder so. Geschichten to Advent, Wiehnachten un Sylvester.
Hamburg: Quickborn 1998. 84 S.
Dat Book gifft dat nich mehr in’n Bookhannel, man över’t Nett kann een dat kriegen.