Klören
Över veertig Johr is de oostfreesche Schrieversmann Hans-Hermann Briese (*1940), Dokter vun Profeschoon, al mit dat plattdüüsche Schrieven togang.
Wat hett he nich allens to Papeer bröcht! Texten för’t Blatt, för Kalenners un Johrböker, he is in Anthologien to finnen un hett en ganze Reeg vun egen Böker schreven. Un he hett vele Priesen kregen för sien Schrieven.
Lyrik in ehr verscheden Oorten, besünners Zyklen, de wi nu in düt Book tohoopdragen finnt, dat is sien Metier. Un velen dorvun sünd middewiel vertoont, so as de „Steernenkinner“, schreven na en Besöök in en Gedenksteed för Kinner, de ümbröcht worrn sünd. Düt Book nimmt uns mit, wi dükert deep in de Texten in – un se laat uns lang nich wedder los. Dat sünd 14 Zyklen, schreven in de verleden 8 Johren. Wat seggt Brieses Fründ un Kolleeg Carl-Heinz Dirks? „Briese sien Gedichten, meesttieds sünner Riem, gahn faak ‘n heel Stück deper … he is van Huus Chirurg.“ Dat oostfreesche Platt is för de Sleswig-Holsteener villicht en beten swoor to lesen – man dat lohnt sik düchtig bi de Briese-Böker, sik mal dor mit to befaten.
Briese, Hans-Hermann: Klören. Diesel-Verl. 2020. 12,00 €
zurück zur Übersicht