Tieden
De plattdüütsche Perfesser ut Kiel, boren in Marne in Dithmarschen, vertellt hier in veer Kapittels vun de Tiet, as de Eerste Weltkrieg anfüng över de Weimarer Republik bet hen na dat Enn vun dat Drütte Riek.
Mit düt Wark hett Ivo Braak (1906-1991) den Roman vun sien Leven schreven. Un he hett dat in de Spraak vun sien Kinnertiet, de för em ümmer wichtig weer, daan. As Schöler op dat Plöner Internat dreep he Otto Mensing, de för em den Weg na de nedderdüütsche Theaterwelt opmaken dee.
Wi sünd glieks binnen in de Geschicht un kriegt över de langen Dialogen veel över de Minschen to weten. De sünd schreven in Dithmarscher Platt un sünd so en wunnerbor Tüügnis för de ole Spraak an de Westküst vun uns Land. Keen anner een as Reimer Bull, ok en Marner Jung, hett laterhen de Steed an de Kieler Uni vun Ivo Braak övernahmen.
Braak, Ivo: Tieden. En Roman in veer Törns.
Husum: Husum Druck 1981. 343 S..
Över’t Nett un antiquarisch to kriegen