Funklock stoppen!
Organisatschonen ut all Nedderdüütsch-Länner stütt uns Anliggen: Wi wüllt dat öffentlich-rechtliche Programm, dat uns op Plattdüütsch över Welt un Region informeert.
Wi töövt op dat plattdüütsche Vullprogramm, dat uns Spraak deelhebben lett an den globalen un privaten Alldag twüschen Klimakatastroof un Kinnerstuuv, op den Senner, de uns un uns Spraak vun morgens bet avends eernst nimmt un nich as folkloristisch Showelement dörch de Manege treckt. Wi wüllt dat plattdüütsche Radio, dat uns seriöös över den Krieg in de Ukraine un ünnerholtsam över den European Songcontest ünnerricht. Un wenn wi na Europa kiekt, denn fallt uns op: Uns Anliggen is verdammt normal!
Siet Januar 2021 nimmt sik en Bündnis vun verscheden noorddüütsche Organisatschonen Lütte-Spraken-Senners in Naverlänner to´n Vörbild un föddert en öffentlich-rechtlichen Senner, de Dag för Dag op Platt sennt. In en meensam Maalverkloren steiht dorto:
Dat Höörfunk-Programm büdd en Mix vun bunte Themen un eernsthaftige Berichten över Welt un Region. Dorto höört över Dag ok een- oder tweemal Narichten in de Stünn. In´t Musikprogramm loopt plattdüütsche, hoochdüütsche un internatschonale Musiktitel för utwussen Lüüd.
„Funklock stoppen!“ is de Överschrift, ünner de düsse Gruppen sik nu sammelt, un se hebbt gode Grünnen för ehr Anliggen. Mehr...
Kontakt: