PLATTform
Nee dorbi: Alina Dwenger
Siet Dezember is Alina Dwenger as Redakteursche för de PLATTform bi'n SHHB in't Team. Wi freut uns bannig dat de PLATTform nu mit Vullgas losleggen kann. Hartlich Willkamen, Alina
Redakteursche bi de Nedderdüütsche Medienplattform: Alina Dwenger © Anna Biß / SHHB
Siet Dezember is dat Redakschoonsteam „PLATTform“ komplett. Mit Alina Dwenger as uns ne’e Maat, wasst nich blots dat Team, sünnern ok de Vörfreud.
Mit grote Begeistern startet Alina ehr ne’e Opgaav: „Ik freu mi bannig en Deel vun den SHHB to sien un mit Kadde un dat hele Redakschoonsteam plattdüütschet Radio to sennen.
Dat Modereren vun Radiosennen is en heel ne’e Erfohren för mi, aver mit de plattdüütsche Spraak bün ik bannig vertruut, denn dormit bin ik groot worrn. Dorüm freu ik mi dull, mien Moderspraak to mien Beroop to maken.“
Wi heten ehr hartlich Willkamen!