Truer üm Peter Nissen
De nedderdüütsche Schriever, Översetter un Dramaturg is mit 68 Johren na korte Krankheit doot bleven
Vele Johren hett Peter Nissen tosamen mit Hartmut Cyriacks Theaterstücken överdragen, Böker as „Harry Potter“ un „Asterix un Obelix“ översett un för den NDR Höörspelen un Dreihböker in‘t Plattdüütsche bröcht.
Ok för de freesche Spraak hett he sik stark maakt. So weer he in den Vörstand vun dat Nordfriisk Insituut un hett den freeschen Schrievwettbewarv „ferteel iinjsen“ op de Been stellt.
Bi den Slesweig-Holsteenschen Heimatbund hett he över vele Johren mit de Seminoren „Plattdüütsch Schrieven un Vördregen“ de plattdüütsche Spraak de Lüüd neger bröcht.
De Doot vun Peter Nissen is nich blots en sworen Verlust för de plattdüütsche Spraak. He weer en warmhartigen un wunnerboren Minschen, de fehlen warrt. Uns Gedanken sünd bi sien Familie.