01.02.2020 | Sprache/Literatur Aktuelles

20 Johr Plattdüütsche Raat för Sleswig-Holsteen

morgens Klock 11
Nedderdüütsche Bühn Kiel
Wilhelmplatz 2, 24116 Kiel

Fierstünn in Kiel an‘n 1. Februar 2020

Siet dat Johr 2000 hett de Sprekergrupp vun de Plattdüütschen en Stimm in Sleswig-Holsteen. Dat will de Plattdüütsche Raat mit Jo all tosamen fiern.
Wi laadt to en Fierstünn na Kiel in. De Minnerheitenbeopdragde Johannes Callsen seggt en poor Wöör vörweg.
Wat is in de verleden 20 Johr passeert, un wat för en Weg schall uns Spraak nehmen? As Vertreders för de Sprekergrupp wüllt wi torüch- un na vörn kieken.
Denn kriegt wi twee besünner Projekten to sehn:
Jochen Wiegandt stellt dat Liederaturbuch mit veel Musik vör.
Jan Graf wiest en niegen Film, de Familien Moot maakt, Plattdüütsch ok mit de Kinner to snacken.
Achterna gifft dat Natt un Dröög.

Mit hartlich Gröten
Marianne Ehlers – Heiko Gauert – Gunda Gey –
Truels Hansen – Frauke Sander – Heike Thode-Scheel

Anmellen bet to’n 24.01.2020:
m.ehlers@heimatbund de oder 0431-98 384-0

Jan Graf, Referent för Nedderdüütsch un Freesch
bi den SHHB, föhrt dörch dat Programm.