Samstag, 23. März 2024 | Termine

Daagsseminor „Plattdüütsch Vördregen“

23. März 2024, 10 bis 16 Uhr
Martinshaus
Kanalufer 48
24768 Rendsburg

Frau trägt etwas vor Publikum vor
© kasto / Canva

Wiederbillen för Reedneer*schen, Spreker*schen un Schrieverslüüd un all de dat interessert

Kulturvereen, runnen Geboortsdag, Radio oder op’n Saal – de Lüüd höört geern to, wenn dor een wat op Platt vertellt. Un wenn de Verteller dat richtig goot maakt, dat Gedicht nich leiert, de Geschicht nich afleest klingt, denn bringt dat dubbelt Spaaß.

Man to so en Vördrag höört ok Handwarkstüüg, egaal in wat för en Spraak. Woans maakt ik mien Text kloor; woans bruuk ik mien Stimm, welke Öven hölpen mi, mi op den Optritt vörtobereiten? Un Plattdüütsch: Dörv ik en Text op mien Platt vördregen? Wi wöllt över düsse un annere Fragen snacken un Handwarkstüüg an de Hand geven. Aten-, Stimm- un Öven för de Lief hören jüst so dorto as dat Warken an den Text. Wi bekiekt uns ok de Situation an sik; wat bruuk ik? Woans gah ik mit en Mikrofon üm? Los geiht dat! Mit plattdüütsche Bispilltexten ut verscheden Textsoorten künnt kann allens glieks utprobeert warrn.

Egen Texte dörven ok geern mitbröcht warrn.

Carina Dawert, NDR-Moderatersche, frie Reedneersche un Schriewersche, un Britta Poggensee, Referentsch för Nedderdüütsch un Freesch, sünd an düssen Dag för Se dor un hölpt mit op de Weg.

Termin: Plattdüütsch Vördrägen

Sünnavend, 23. März 2024
Klock 10.00 Uhr – 16.00 (Anreis vun av 9.30 Uhr)
In'n Martinshaus, Kanalufer 48, 24768 Rendsburg

Kosten deit de ganze Dag 30 Euro (20 Euro för Liddmaten vun den Sleswig-Holsteenschen Heimatbund) – dor is Meddageten, Kaffe un Koken un wat Koles to'n drinken mit bi. Bitte meldt Se sik bet to denn 15. März 2024 an: To'n Anmellformulor!