Scheller, Gesche (Hrsg.)
Wiehnachtsgedichten
En Gedicht to Wiehnachten, villicht ok twee – dat weer fröher mal sowat as en Kult.
Kiek mal, wat is de Heven so root weer een so en Klassiker, schreven vun Johann Beyer. Un bet vundaag hen hebbt wi de schönen olen Gedichten vun Boy Lornsen, Christa Heise-Batt, Rudolf Kinau un Gudrun Münster geern op de Tung. Vun all düsse Schrieverslüüd un vun noch veel mehr finnt wi Wiehnachtsgedanken mit un ahn Riemels in düt lütt Book.
Wunnerbor, dat de Quickborn-Verlag mal en niege Sammeln rutgeven hett. So mööt wi nich lang in teihn verscheden Wiehnachtsböker söken, sünnern hebbt de schönsten Stücken för de besinnliche Tiet op den Dutt. För Lütt un Groot is wat dorbi – un dat is noch ümmer so, dat de Lütten geern mal en Gedicht opseggen wüllt, ganz ahn Bang. Denn dat Hauen mit de Root is ok bi Knecht Ruprecht un Co. al lang afschafft!
Wiehnachtsgedichten. Hrsg. v. Gesche Scheller.
Hamburg: Quickborn 2021.79 S. 8,80 €