Meyer, Gustav Friedrich
Unsere plattdeutsche Muttersprache
Al in dat Johr 1921 hett Gustav Friedrich Meyer (1878-1945) düt Standardwark schreven – un dat is en Klassiker op‘t Best bet vundaag hen.
De Autor hett mit an dat Sleswig-Holsteensche Wöörbook vun Mensing mitarbeidt un sik mit düt Book grote Verdeensten um de plattdüütsche Spraak maakt. Dat heff Perfesser Ulf Bichel ok sehn un de eerste Oplaag ut dat Johr 1921 överarbeidt un an de Tiet anpasst. Nu is düsse Utgaav ok al meist 40 Johr oolt – man liekers lohnt sik dat Rinkieken un Lesen ümmer noch. Wi kriegt en Överblick över de Geschicht vun de Spraak, lehrt ganz veel över de Spraak un woans se schreven warrt – un an’t Enn vertellt uns Paul Selk noch wat ut dat Leven vun G.F. Meyer.
Wat hett Meyer domals al schreven? Een schull de Kinner in de Scholen Gelegenheit geven, dat Plattdüütsche to lehren. Hunnert Johr later hebbt wi in Sleswig-Holsteen düsse Gelegenheit – dor kann een sik doch över freuen!
Meyer, Gustav Friedrich: Unsere plattdeutsche Muttersprache. Beiträge zu ihrer Geschichte und ihrem Wesen. Überarbeitet und neu herausgegeben von Ulf Bichel. 2. Aufl.
St. Peter-Ording: Lühr & Dircks 1983. 204 S.
Ok düt Wark mutt een sik in’t Nett söken.