Emmi is vergeven worrn
Theater, School, Musik - Söss Emmi-Priesdregers wiest Kreativitäät op dat Rebeet Plattdüütsch un Pädagogik.
Woans kann ik Billerböker goot för den Plattünnerricht insetten? En Bachelorarbeit vun de Flensborger Studentin Alena Hansen-Wilkens hett sik düsse Fraag stellt un is dormit een vun tohoop söss Priesdregers worrn, de Anfang September nu de Emmi kregen hebbt. Anner Bidrääg kömen ut de Feller Film, Theater oder ehrenamtlich Engagement, so as Günter Herrmann, de siet en Reeg Johren as Platt-Paat an de School Harrislee in Gang is un mit sien Kinner plattdüütsche School-Musical-Produkschonen op de Bühn stellt. Vergeven warrt de Emmi all twee Johr vun Sleswig-Holsteenschen Landdag, Ministerium för Billen, Wetenschop un Kultur un den Sleswig-Holsteenschen Heimatbund.