11.12.2020 | Sprache/Literatur Aktuelles

Lesetipp aus unserer Niederdeutsch-Abteilung

Schöne Wiehnachten. Geschichten to Advent, Wiehnachten un Sylvester.

Wiehnachtsmann, kiek mi an – mit düssen lütten olen Kinnerriemel, passlich eenmal för Jungs un eenmal för Deerns, dormit fangt düsse Anthologie an. Verleden Johr keem dat Book rut, un dat versammelt feine Wiehnachtsgeschichten vun bekannte Schrieverslüüd, meisttiets ut Böker, de al lang vergrepen sünd.

Un nu köönt wi allens lesen: wat dat mit Waltrud Bruhn ehr Wiehnachtskrüff op sik hett, woans Reimer Bulls Lüüd Willy un Frieda dat so geiht mit Wiehnachten – un, na kloor dörv Rudolf Kinau sien Brunen Schimmel nich fehlen. Un ok Boy Lornsen sien Goos mutt ok in düt Book ehr Leven laten. Ok Gertrud mutt afhangen, de anner Goos, de vun Dirk Römmer. Dor finnt sik veel Bekanntes, wat een al lang kennt, man ok dat een oder anner Stück, wat al meist vergeten weer.

Süh, denn kann Wiehnachten nu bald kamen – un schöön schall dat warrn, düsse plattdüütschen Geschichten köönt uns dorbi hölpen.

Schöne Wiehnachten. Geschichten to Advent, Wiehnachten un Sylvester.
Hrsg. v. Gesche Scheller
Hamburg: Quickborn 2019. 10,80 €

Weitere niederdeutsche Literaturtipps