28.08.2020 | Sprache/Literatur Aktuelles

Lesetipp aus unserer Niederdeutsch-Abteilung

En Stück Tietgeschicht in nedderdüütsche Spraak.

Walter A. Kreye (1911-1991) is een vun de wichtigsten nedderdüütschen Schrieverslüüd in de Literatur na 1945. Bekannt is he as Schriever vun en ganze Reeg vun Höörspelen. As Ollenborger Jung speelt he ok Theater bi de August-Hinrichs-Bühn, is Regisseur, Översetter un Rundfunkspreker.

De Novell speelt in dat Johr 1946 op en Buernhoff dicht bi Cherbourg in Frankriek. Bernard ut Düütschland kümmt to’n Arbeitsdeenst op den Hoff. To glieker Tiet boot sien Fründ Rolf de Kathedraal in St. Lo wedder op. He will wedder goot maken, wat in’n Krieg tweigahn is. En dramaatsch Novell över Schuld un Vergeven, över Fründ un Fiend in en swore Tiet. Dat is en Stück Tietgeschicht in nedderdüütsche Spraak – rundüm dat Leven vun Düütschen un Franzosen, de den Krieg mitmaakt hebbt, schreven mit veel Deepgang un ok vundaag unbedingt noch dat Lesen weert.

Kreye, Walter Arthur: Dag un Düüster över de Normandie. En Vertellen. (Hamburg: Verl. der Fehrs-Gilde 1962. 79 S.) Dat Book is nich mehr op den Markt, man licht över’t Nett to kriegen