20.01.2020 | Sprache/Literatur Aktuelles

Dat weer „Plattdüütsch Schrieven“

Orthografie, Grammatik un dat Ümgahn mit Kritik

As dat Seminar denn mit Enthusiasmus op de Adjektivdeklinatschonen (en grot-en Mann oder en grot-e Mann?) un de Personalpronomen in`n  Objektfall (Ik heff ehr sehn oder ik heff se sehn?) to snacken keem, stünn fast: Hier geiht dat nich blots üm de plattdüütschen Schrievregeln na Johannes Saß, hier kriegt ok anner Fragen de Deelnehmers faat: Passt mien Stil? Stimmt allens grammatisch? Is dat, wat ik schriev, interessant för Publikum? Un wenn ik wat schreven heff – laat ik Kritik vun anner Minschen to un will dor wassen an? En rieken Struuß vun Gedanken to dat Schrieven op Platt is an’n Sünnavend, 18. Januar opblöht in dat Martinshuus in Rendsborg. Opletzt weer för de mehrsten vun de negen Deelnehmers kloor – dat hett ehr düchtig wiederbröcht. Dat Leit bi dat Seminar harrn Christiane Ehlers (Niederdeutschsekretariat) un Jan Graf (SHHB).

All Johr in’n Januar maakt de Sleswig-Holsteensche Heimatbund en Seminar dat dat Thema „Plattdüütsch Schrieven“, dat all Minschen apensteiht, de plattdüütsche Wöör to Poppier bringen wüllt. Mehr Informatschonen bi Jan Graf, Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!, 0431 – 98384-15.