Schleswig-Holsteinischer
Heimatbund e.V.
Hamburger Landstraße 101
24113 Molfsee
Anfahrt
Mo 8 bis 15 Uhr
Di–Do 8 bis 16 Uhr
Fr 9 bis 13 Uhr
Tel 0431 98 384-0
Fax 0431 98 384-23
info@heimatbund.de

Schleswig-Holsteinischer
Heimatbund e.V.
Hamburger Landstraße 101
24113 Molfsee
Anfahrt
Mo 8 bis 15 Uhr
Di–Do 8 bis 16 Uhr
Fr 9 bis 13 Uhr
Tel 0431 98 384-0
Fax 0431 98 384-23
info@heimatbund.de

14.09.2018 | Sprache/Literatur Aktuelles

Paul und Emma

Paul un Emma un ehr Frünnen. Nu is dat torecht un op den Markt, dat niege Schoolbook för de drütten un veerten Klassen.

Dat Land Sleswig-Holsteen un de Europa Universität Flensborg hebbt dorför Geld in de Hand nahmen. De Sleswig-Holsteensche Heimatbund hett düchtig holpen, dat ut dat Schoolbook-Projekt nu 170 Sieden twüschen twee Bookdeckels warrn kunnen.

Nu köönt de lütten Plattsnackers in de Grundscholen in uns Land mehr to weten kriegen över de beiden Kinner, de in Lüttstadt wahnen doot. In Lüttstadt is allens plattdüütsch: de Minschen snackt Platt, de Straten un de Geschäften hebbt plattdüütsche Naams. Gifft dat so en Stadt egentlich? Natürlich nich, man för dat Indükern in de Spraak is düsse Methood allerbest.

De Schoolbook-Arbeitsgrupp un de Redaktschoon hebbt mit veel Knööv un Plie en Book torechtmaakt, wat nu düchtig hölpen warrt bi den plattdüütschen Ünnerricht.

Dorto gifft dat nu ok en „Handreichung“ in’t Nett. Ünner www.paulunemma2.lernnetz.de köönt de Lehrers kieken, wat dat noch so gifft för de enkelten Lexen. Vun Lex 1 hen na Lex 16 nimmt düt bunte Book de Deerns un Jungs mit in dat Beleven vun Kinner vundaag. Ok grote Lüüd hebbt Freud an düt Book!

To kriegen is dat över den Bookhannel un ok över den Quickborn-Verlag.