Dat Halvfinaaldrepen in de Sleswiger Speeldeel weer de letzte vun fief Regionaalentschedens in Sleswig-Holsteen. Nu steiht dat grote Finaal an´n 8. Junimaand in de Nedderdüütsche Bühn in Niemünster an. Uns Sleswiger Siegers Maite Rudolph ut Immenstedt (5.-7. Klass) un Luca Thomsen ut Schwabstedt (3.-4. Klass) warrt sik dor meten mit de Siegers vun de annern Regios in Mölln, Kiel, Lütt Noordenn un Leck, de de verleden Weken lopen sünd. Op de tweten Plätz kemen in Sleswig Ida Hansen ut Sollwitt (3.-4. Klass) un Jonna Pauline Niemann ut Kellinghusen (5.-7. Klass). Mina Sophie Brantzen (Harrislee), Niklas Baumgarten Tetenhusen), Ida Lenchen Hansen (Esgrus), Mayla Felina Gosch (Selk), Hans-Hinrich Hinrichsen (Kropp), Alrike Heidebrecht (Mölln) un de Lannessieger vun 2019/20 Bosse Hansen (Goldebek) deelt sik Platz dree.