Mit en geheme Wahl an´n 30. Aprilmaand hebbt Sleswig-Holsteners in´t Hoge Arsenal in Rendsborg bestimmt, wokeen mit sitten schall in dat Gremium, wat in´n Kontakt mit de Lannespolitik de Interessen vun de Sprekergrupp vertreden deit. Wedderwählt worrn sünd Marianne Ehlers un Dirk Söhren. Mit Ingrid Bindzus ut Loenborg, Christel Fries ut Eckernföör, Kirsten Maria Voß ut Kiel, Klaus Jensen vun Pellworm un Jan Graf ut Pussaad bütt de Raat en Swung niege Gesichter. Een vun de Rebeten, de nu en grote Rull spelen schall is de Fraag vun Plattdüütsch in de Medien, so Raatsfru Marianne Ehlers.